Annonse
Annonse
Annonse
Annonse

Flor får 10 000 euro og coaching i stipend

– Dette var moro, seier Kristin Lemme på Voss. Pengane frå Visas stipendprogram skal brukast til å få fleire med på laget.

Får stipend: Flor har suksess med arbeidskler for kvinner, i landbruket, barnehagar, varehus og innanfor transport. Dagleg leiar Kristin Lemme (t.v.) og styreleiar Torgunn Hegland. Alle foto: Hunnålvatn media
Får stipend: Flor har suksess med arbeidskler for kvinner, i landbruket, barnehagar, varehus og innanfor transport. Dagleg leiar Kristin Lemme (t.v.) og styreleiar Torgunn Hegland. Alle foto: Hunnålvatn media

Flor er fine og funksjonelle arbeidskler for kvinner i aktive yrke. Selskapet blei stifta i 2018 av sauebonde Kristin Lemme med fleire, og Kristin er dagleg leiar.

Kleda er særleg inn mot kvinner i landbruket.

No bruker stadig fleire kler frå Flor i barnehagar, skular, varehus og innanfor transport.

Skal starte folkefinansiering

– Vi skal starte med ein kampanje om folkefinansiering, saman med Folkeinvest, i februar. Målet er å skaffe frisk kapital til utvikling, tilsette fleire og satse større. Det er interesse for å bli med, og vi skal bruke pengane til å få fleire med, seier Kristin Lemme.

Kvinnelege gründarar og eigarar av små verksender kunne søke om stipendprogrammet Visa She's Next – eit program med mål om å gjere det enklare auke for kvinner og betre tilgangen til ekstern finansiering.

Flor har ambisjonar om å komme inn i bygg- og anleggsbransjen.
Flor har ambisjonar om å komme inn i bygg- og anleggsbransjen.

I mars utvidar Flor med fleire håndtverkskler, for kvinner i mange aktive yrke. Plagga skal tole harde arbeidsøkter, i tillegg er det tatt omsyn til komfort, snitt og at ein kan bevege seg lett, skriv selskapet.

Annonse

– Vi har ambisjonar om å komme inn i bygg- og anleggsbransjen, for å ha fleire bein å stå på. Vi kjem framleis til å satse på landbruket, det var jo det det starta, seier sauebonden.

Kleda blir teikna og forma på Voss, og sydde i Baltikum og i Kina. Selskapet har tre tilsette og butikk på Voss, og dessutan nettbutikk.

Får coaching

I tillegg til 10 000 euro (ca 105 000 kroner) får Flor personleg coaching gjennom den globale finansieringsplattforma IFundWomen.

– Det kan bli veldig nyttig, og kan gjere oss betre innanfor økonomi og marknadsføring, seier Flor-leiaren.

Det er tre stipendvinnarar. Vanessa Krogh og Cornelia Øiestad står bak Villbrygg, som lagar alkoholfrie drikker av ville vekstar, ugras, urter og bær.

Janne Nesset-Kristiansen og firmaet Smart organisering, som organiserer heimen din, er tredje vinnar.

Neste artikkel

Flor får 10 000 euro og coaching i stipend